Autoritetet në Norvegji njoftuan se kanë ndërruar jetë të paktën 23 persona që morën dozën e vaksinës Pfizer/BioNTech kundër koronavirusit të ri (COVID-19), 13 prej të cilëve “ndoshta janë të lidhura me efektet anësore të vaksinës”, transmeton Insjderi.
Sipas Agjencisë Norvegjeze të Barnave (NoMA), të gjithë 13 individët ishin të moshës mbi 80 vjeçare, raporton Anadolu Agency (AA).
NoMA theksoi se efektet anësore nga vaksina Pfizer/BioNTech, të tilla si ethe dhe të përziera, ndoshta kanë çuar në vdekjen e disa pacientëve më të moshuar.
Mediat lokale raportojnë se drejtori mjekësor i agjencisë NoMA, Steinar Madsen, theksoi se midis 13 viktimave, në nëntë raste u regjistruan efekte anësore serioze, ndërsa në shtatë raste efekte anësore më pak të rënda.
Norvegjia filloi vaksinimin kundër pandemisë muajin e kaluar, menjëherë pasi vaksina Pfizer/BioNTech u miratua nga Agjencia Evropiane e Barnave (EMA).
Sipas të dhënave nga “OurWorldInData” me seli në Mbretërinë e Bashkuar, e cila ndjek vaksinimin kundër pandemisë, deri më tani në Norvegji rreth 33 mijë persona kanë marrë dozën e parë të vaksinës.
Shifrat e fundit tregojnë së që nga shpërthimi i pandemisë në Norvegji janë konfirmuar 57.736 raste të koronavirusit, përfshirë 511 viktima. /Insajderi.com
