Lideri i opozitës në Korenë Jugore është i fundit në një sërë të politikanëve të cilit e rruan kokën publikisht në shenjë proteste kundër qeverisë, shkruan BBC.
Huang Kjo-an u bë “tullac” të hënën mbrëma para përkrahësve dhe gazetarëve para pallatit presidencial.
Kështu po proteston opozita kundër ministrit të ri të drejtësisë Cho Kuk, familja e të cilit është përzier në skandale të korrupsionit.
Për arsye të njëjtë javën e kaluar u bënë “tullac” edhe dy deputete.
Të tri funksionarët janë të partisë konservative e cila po e kundërshton qeverinë e presidentit të shtetit prej të cilit po kërkojnë ta shkarkojë ministrin e drejtësisë Cho.
Cho Kuk, ish profesor i drejtësisë dhe i afërt me presidentin, u emërua në këtë funksion muajin e kaluar.
Kritikët e tij janë të zemëruar sepse Moon e emëroi përkundër akuzave serioze për mashtrime financiare dhe akademike të anëtarëve të familjes së tij.
Bashkëshortja e Cho, gjithashtu profesoreshë, është akuzuar se ka falsifikuar materialin i cili i ka ndihmuar vajzës së tyre të regjistrohet në fakultet dhe të fitojë bursën, për çka janë ankuar studentët tjerë.
Prokurorët gjithashtu po hetojnë mashtrimin e pretenduar në një fond që ka lidhje me një të afërme të Cho-s. Hetuesit javëve të kaluara kanë zbatuar disa bastisje që kanë lidhje me anëtarët e familjes së ministrit./Insajderi.com.
