Në prag të lojërave olimpike “Tokio 2020”, Presidentja e Kosovës, Vjosa Osmani, ka takuar drejtuesit e Komitetit Olimpik të Kosovës.
Në një komunikatë të dërguar për media thuhet së Presidentja Osmani e falënderoi kryetarin Krasniqi për vizitën dhe u uroi sukses pjesëmarrësve të Kosovës në lojërat olimpike.
“Ajo i vlerësoi përgatitjet e KOK-ut për pjesëmarrje në këto lojëra dhe u shpreh e bindur se vajzat dhe djemtë e ekipit olimpik do të arrijnë rezultate të mira, duke e lartësuar emrin e tyre, por edhe emrin e Kosovës”, thuhet në njoftim.
Në anën tjetër, kryetari i KOK-ut, Ismet Krasniqi ka njoftuar Presidenten Osmani me përgatitjet që po i bën KOK-u për pjesëmarrje në këto lojëra, si dhe me përgatitjet e ekipit olimpik të Kosovës.
Ai e falënderoi presidenten për përkrahjen e vazhdueshme të saj dhe të institucionit që ajo e drejton për ekipin olimpik të Kosovës./Insajderi.com
