Të paktën katër njerëz janë vrarë dhe 11 të tjerë janë plagosur në një shpërthim të fuqishëm në zonën e parkimit të një hoteli të pasur në qytetin jugperëndimor të Pakistanit të Quetta, sipas autoriteteve, transmeton Isnajderi.
Policia tha se ekipet e shpëtimit po transportonin viktimat e shpërthimit të së mërkurës në Hotel Serena në spitalet aty pranë. Pamjet në kanalet lokale të lajmeve treguan makina në flakë, raporton Al Jazeera.
Forcat e sigurisë nxituan drejt hotelit dhe askush nuk u lejua të afrohej në vendin e shpërthimit. Policia tha se ata kishin hapur një hetim.
“Oficerët tanë po punojnë për të përcaktuar nëse ishte një bombë dhe çfarë lloj pajisje mund të ishte”, tha zyrtari i policisë Nasir Malik për agjencinë e lajmeve Reuters.
Sipas zyrtarit të lartë të policisë Azhar Akram, disa prej të plagosurve u renditën në gjendje kritike.
Asnjë informacion tjetër nuk ishte në dispozicion menjëherë për ngjarjen. /Insajderi.com
