Qeveria e Pakistanit hoqi një ndalim gati dy-vjeçar mbi importin e sheqerit nga fqinji lindor India, treguesi i fundit i një shkrirjeje në rritje në marrëdhëniet e ngrira midis rivalëve të Azisë Jugore, transmeton Insajderi.
Duke folur në kryeqytetin Islamabad të mërkurën, ministri i Financave Hammad Azhar tha se Pakistani do të lejojë importimin e 500,000 tonë sheqer të bardhë nga India për të luftuar rritjen e çmimeve të brendshme, raporton Al Jazeera.
“Në vendin tonë fqinj, në Indi, çmimi i sheqerit është shumë më i ulët se në Pakistan”, tha Azhar. “Kështu që ne kemi vendosur të hapim tregtinë e sheqerit me Indinë, në kufirin e 500,000 tonë në sektorin privat”.
Azhar tha se një ndalim i importit të pambukut të papërpunuar nga India do të hiqet “deri në fund të qershorit”.
“Tani në Pakistan ka një kërkesë të madhe për pambuk. Eksportet tona janë rritur në tekstile dhe prodhimi i pambukut nuk ishte i mirë vitin e kaluar”.
“Pra, ne lejuam importin e pambukut nga e gjithë bota, por nuk lejohet nga India dhe kjo shkakton një ndikim të drejtpërdrejtë në [ndërmarrjet e vogla dhe të mesme]”, tha ai. /Insajderi.com
