Njerëzit në shumë vende të botës kanë mundur të shohin një paraqitje të shkurtër të “hënës së përgjakur” në eklipsin më të gjatë hënor të shekullit të 21-të.
Në Greqi, hëna u ngrit prapa Tempullit të Poseidonit në Kepin Sounion, afër Athinës.
Në eklipsin hënor, toka mbetet në mes të satelitit të saj dhe diellit.
Edhe pse nuk ndriçohet direkt nga dielli, hëna prapë e merr dritën e cila përthyhet nga atmosfera e tokës. Kjo i jep asaj një ngjyrë të portokalltë, të kaftë ose të kuqe.
Eklipsi ka qenë i dukshëm nga Afrika deri në Lindje të Mesme, Evropë, Rusi, Indi dhe Australi.
Në Strasbourg, France, hëna mund të shihej të përvijohet mbi skulpturen e artistit amerikan Jonathan Borofsky.
Ndërsa në Alpet Zvicerane mund të shihej në shkëlqimin e saj të plotë.
Nuk është dashur të mbahen mbrojtëse të syve për të vëzhguar eklipsin.
Hëna kalon mbi Abu Dhabi dhe shihet prapa minareve të Xhamisë Sheikh Zayed.
Në Sidnej, turmat ishin grumbulluar të shihnin hënën tek bëhej e kuqe në horizontin sipër qytetit.
Qytetarët në Taipei, Tajvan, vendosën teleskopët që të shihnin ngjarjen. Eklipsi total zgjati pothuajse një orë e 43 minuta.