fbpx

Pas dorëheqjes së kryeministrit presidenti italian fillon konsultimet

Presidenti i Italisë Sergio Mattarella ka kërkuar nga Conte që të mbetet në detyrë për t’u marrë me çështjet ditore të qeverisë derisa të zgjasin negociatat.

Pas dorëheqjes së kryeministrit presidenti italian fillon konsultimet

Presidenti italian e pranoi dorëheqjen e kryeministrit Guiseppe Conte dhe do të fillojë konsultimet me liderët e partive për gjetjen e zgjidhjes për krizën politike, është kumtuar nga kabineti i Mattarellas.

Mattarella ka kërkuar nga Conte të mbetet në detyrë për t’u marrë me çështjet ditore të qeverisë derisa të zgjasin negociatat, transmeton Reuters.

Pritet që Mattarella të vlerësojë se a ekziston vullneti politik që të formohet qeveria e re, dhe nëse nuk ekziston ky vullnet, ai do të detyrohet ta shpërbëjë parlamentin, tre vjet e gjysmë para skadimit të mandatit dhe t’i shpallë zgjedhjet e parakohshme.

Kryeministri italian Guiseppe Conte dje ka dhënë dorëheqje.

Conte ka kumtuar këtë në seancën e parlamentit, në të cilën ishte dashur të mbahet votëbesimi për qeverinë, gjë që para 12 ditëve ka kërkuar ministri i brendshëm Matteo Salvini.

Para se ka kumtuar se po jep dorëheqje, Conte ka deklaruar se vendimi i Salvinit do të ketë pasoja të mëdha për vendin dhe ekonomin e tij./Insajderi.com.