Trajneri i Tottenham, Jose Mourinho e ka pranuar se janë në situatë të vështirë, por do vazhdojnë të ‘luftojnë’.
Dje Spurs u mundën nga RB Leipzig me rezultat minimal 0:1, ndërsa synojnë kualifikimin në ndeshjen kthyese.
Tekniku portugez beson se mund të kualifikohen edhe pse janë në situatë të vështirë. Sipas tij, ndeshja e mbrëmshme ishte “si të shkoje në luftë me një armë pa plumba”.
“Gjëja që me pëlqen është besimi që kanë lojtarët. Janë lojtarë fantastik”.
“Jemi në situatë shumë të vështirë, por jam shumë krenar për lojtarët e mi. Ajo që me shqetëson është se do kemi probleme deri në fund të sezonit”.
“Në ndeshjen e radhës ndaj Leipzig nuk e di kush do luaj në sulm, por do luftojmë deri në fund”, deklaroi ai.
Ndeshja kthyese do zhvillohet në stadiumin e klubit gjerman me 10 mars.
