Për të fotografuar një nga krijesat më të rralla të Tokë, kërkon shumë aftësi dhe fat të jashtëzakonshëm – por Seregey Gorshkov, i ka të dyja, e këtë e dëshmoi me një fotografi të mahnitshme të një tigri Siberian ose Amur, në thellësitë e pyjeve të Rusisë lindore, njofton Insajderi.
Imazhi i solli atij edhe titullin e “fotografit të botës së egër të vitit”.
Tigri femër shihet duke përqafuar një pemë, duke u fërkuar me lëvoren për të lënë aromën e saj dhe për të shënuar territorin në “Parkun Kombëtar Leopard”.
“Ndriçimi, ngjyrat, struktura – është si një pikturë vaji,” thotë kryetari i gjykatësve, Roz Kidman-Cox.
“Duket pothuajse sikur tigri është pjesë e pyllit. Bishti i saj shkrihet me rrënjët e pemës. Të dy janë një”, tha ajo për BBC News.
Edhe më i jashtëzakonshëm është fakti se ky është një imazh kapur nga një kamerë e vendosur si kurth. Pajisjet u vendosën në pyll dhe u lanë, duke pritur që të shkrepnin automatikisht kur një tigër të endej aty.
Sigurisht, Sergey duhej të dinte se ku do të kishte më shumë gjasa të kapte kafshën – dhe këtu hyn në lojë aftësia e një fotografi me përvojë të botës së egër.
Kurthi i kamerës që bëri foton fituese u la në fushë për 10 muaj. Për të qenë një fotograf i shquar i jetës së egër duhet të kesh një durim të jashtëzakonshëm. /Insajderi.com
Burimi: BBC
