Pesë civilë u vranë dhe tre u plagosën në një sulm me bombë buzë rrugës në Algjerinë lindore, tha Ministria e Mbrojtjes, sulmi më vdekjeprurës që synonte civilët në vitet e fundit, transmeton Insajderi.
Bomba shpërtheu ndërsa një makinë kalonte në rajonin e Tebessa të enjten, tha ministria në një deklaratë, raporton Al Jazeera.
“Pesë qytetarë vdiqën dhe tre të tjerë u plagosën kur një bombë e bërë në shtëpi shpërtheu ndërsa makina e tyre lëvizte në Oueid Khenig-Roum, afër rrethit të Telidjane në prefekturën Tebessa”, tha ajo pa dhënë hollësi. E njëjta deklaratë shtoi se një luftëtar i grupit të armatosur u vra nga trupat në rajonin fqinj të Khenchela, por nuk ishte menjëherë e qartë nëse të dy incidentet kishin lidhje. “Pas një prite në Oued Boudekhane… në prefekturën Khenchela, një çetë e Forcave të Armatosura Kombëtare të Popullit qëlloi për vdekje… një terrorist të rrezikshëm”, thuhet më tutje në deklaratë. /Insajderi.com
