Oficerët e policisë në një shkollë fillore në Florida arrestuan një djalë 8-vjeçar, i cili dyshohet se kishte goditur një mësues – vetëm për të kuptuar se kyçet e djalit ishin shumë të vogla për prangat, shkruan CNN, transmeton Insajderi.
Një pjesë e pamjeve videos të kapur nga kamerat e trupit të policëve të Key West nga arrestimi në dhjetor 2018 u publikuan të hënën nga avokati i të drejtave civile Ben Crump, i cili po përfaqëson nënën e djalit.
Të martën ajo ngriti një padi federale, duke pretenduar se oficerët përdorën forcë të tepërt, që zyrtarët e shkollës nuk arritën të ndërhynin, dhe se rrethi i qytetit dhe shkollës shkelte Ligjin e Amerikanëve me Aftësi të Kufizuara. Procedimi gjyqësor thotë se djali ka nevoja të veçanta.
Por në një deklaratë për Miami Herald të hënën, Shefi i Policisë Key West, Sean T. Brandenburg tha që oficerët e tij nuk bënë asgjë të keqe dhe se ata ndiqnin procedurat standarde.
Nëna, Bianca N. Digennaro, tha në një konferencë për shtyp përmes Zoom të martën se djali i saj u arrestua, u dërgua në burg, shtypur gisht, iu morën shenjat e gishtave dhe ADN-së, e gjithashtu edhe fotografia.
Nëna e tij e luftoi çështjen në gjykatë për nëntë muaj derisa një prokuror hodhi poshtë akuzat. /Insajderi.com
