Zëvendëspresidentja e Shteteve të Bashkuara të Amerikës, Kamala Harris, ka zhvilluar një takim sot me presidentin meksikan, Andres Manuel Lopez Obrador, i cili ia ngatërroi asaj emrin dhe pozitën, transmeton Insajderi.
Kjo ngatërresë për të cilën nuk reagoi zëvendëspresidentja, ndodhi para se të fillonte takimi ku u bisedua për bashkëpunimin lidhur me imigracionin në SHBA.
Në hyrje të pallatit, presidenti po priste zëvendëspresidenten amerikane me dorë në zemër, duke e quajtur atë “Kabala”.
Në videon e publikuar në rrjetet sociale, shihet se përveç emrit, presidenti meksikan e quajti Harrisin edhe presidente. /Insajderi.com
