Një studente e kolegjit në Kaliforni thotë se profesori i saj i tha se nuk mund ta ushqente me gji foshnjën e saj gjatë një ore në internet, i cili më pas i kërkoi falje pasi ajo raportoi shqetësimin e saj, shkruan CNN, transmeton Insajderi.
Marcella Mares, nënë e një vajze 10-muajshe, mori një email nga instruktori i saj i Fresno City College më 23 shtator në lidhje me një rregull të ri të klasës që u kërkon studentëve të ndezin kamerat dhe mikrofonët gjatë orëve në internet për të konfirmuar pjesëmarrjen.
Mares u përgjigj dhe tha se mund të linte kamerën dhe mikrofonin e saj të ndezur, por i duhej t’i fikte në momentin që ajo do të ushqente të voglën e saj me gji.
Mares i dërgoi email-it instruktorit të saj me shpresë se kjo nuk do të ndikonte në notën e saj, por në vend të kësaj mori një përgjigje të papritur.
“Unë jam i lumtur që mund të mbash kamerën dhe mikrofonin ndezur gjatë orës, por të lutem mos e ushqe me gji vajzën tënde gjatë orës së mësimit sepse nuk është ajo që duhet të bësh”, u përgjigj instruktori. “Ushqeje pas mësimit”.
Mares tha se ishte habitur nga përgjigjja e tij.
Në të njëjtën ditë, tha Mares, instruktori njoftoi gjatë orës se ai mori një email “të çuditshëm” nga një student i cili dëshironte të bënte disa gjëra “të papërshtatshme” gjatë orës.
Kjo e bëri atë edhe më të mërzitur sepse u ndje e poshtëruar para gjithë klasës.
Ajo iu drejtua koordinatores shkollës, Lorraine Smith, në lidhje me incidentin dhe disa ditë më vonë, instruktori i kërkoi ndjesë asaj përmes në email-i.
“Më vjen keq për shqetësimet në lidhje me qëllimin tuaj për të ushqyer fëmijën tuaj me gji. Tani e tutje, ju keni të drejtë të ushqeni me gji foshnjën tuaj në çdo kohë të dhënë gjatë orës, e cila përfshin punën në grup, dëgjimin e leksionit, kuizeve dhe provimeve. Ju mund ta fikni kamerën tuaj në çdo kohë të dhënë sipas nevojës “, tha ai në një email për Mares më 26 shtator.
Mares përfundimisht e la klasën për arsye që nuk kishin lidhje me incidentin, por tha se ajo priste që shkolla të merrte veprime të mëtejshme në lidhje me incidentin. /Insajderi.com
