Volkswagen mund të tejkalojë konkurrencën e madhe në industrinë e automobilave, përfshirë Tesla.
Sipas drejtorit Herbert Diess, Volkswagen duhet të bëhet shumë më i shpejtë në kalimin në një kompani automjetesh të drejtuar nga softueri.
Konkurrenca me Tesla dhe gjigantët e tjerë të teknologjisë amerikane për epërsi në industrinë e automobilave po rritet, transmeton Telegrafi.
Pyetja e madhe ishte nëse Volkswagen do të vepronte mjaft shpejt për të shmangur një fat si Nokia – ku gjiganti finlandez kishte mbetur pas kur bëhej fjalë për telefonat inteligjentë.
Ai i nxiti menaxherët të veprojnë më me guxim. Volkswagen mund të menaxhojë transformimin me të ardhurat e teknologjisë së sotme. “Ajo që na mungon është mbi të gjitha shpejtësia dhe guximi për të bërë diçka të fuqishme, nëse është e nevojshme ndryshimi rrënjësor”, u shpreh drejtori i kompanisë. /Telegrafi/
