Gjiganti francez i futbollit Paris Saint-Germain (PSG) tregoi solidaritet me ndihmës menaxherin e Istanbul Başakşehir, Pierre Webo, duke i dhënë një fanellë të PSG-së shtetasit të Kamerunit si dhuratë, ka njoftuar klubi turk, transmeton Insajderi.
Başakşehir postoi një video në Twitter që tregon presidentin e PSG-së, Nasser Al-Khelaifi duke i dhënë Webo-s një fanellë me autograf të PSG-së si mbështetje pasi 38 vjeçari u bë shënjestër e fyerjes raciste të pretenduar të martën nga zyrtari i katërt rumun Sebastian Coltescu gjatë ndeshjes PSG – Başakşehir në Ligën e Kampionëve të UEFA-s.
Pas incidentit, lojtarët e Başakşehir refuzuan të vazhdojnë lojën dhe u drejtuan në dhomën e zhveshjes. Ndeshja në Paris u ndërpre në pjesën e parë.
Organi drejtues i futbollit evropian UEFA e shtyri ndeshjen për të mërkurën me një ekip të ri arbitrash.
PSG të mërkurën fitoi ndeshjen e rifilluar 5:1 për të kryesuar Grupin H.
Klubi francez u kualifikua në të 16-ën e finales në Ligën e Kampionëve.
Başakşehir tashmë është eliminuar nga garat evropiane. /Insajderi.com
