Mbrojtësi i Paris Saint-Germain, Sergio Ramos, ka thënë se e ka një dëshirë të kamotshme për të luajtur përkrah argjentinasit , Lionel Messit në një ekip, transmeton Insajderi.
Ai ka shprehur këtë dëshirë pavarësisht rivalitetit “armiqësor” në të kaluarën.
“Më pëlqen të luaj me lojtarët më të mirë dhe Messi është njëri prej më të mirëve në botë. Gjithmonë e kam thënë se Messi gjithmonë do ta ketë një vend në ekipin tim”, ka deklaruar Ramos.
Megjithatë, Messi duket se do të vijojë të jetë rival i Ramosit, pasi argjentinasi besohet të ketë arritur marrëveshje të re me Barcelonën për ta vazhduar qëndrimin në Camp Nou.
Ramosi iu bashkua PSG-së këtë verë si lojtar i lirë, duke u larguar nga Real Madridi pas plot 16 vjetëve.
Gjatë asaj kohe, qendërmbrojtësi spanjoll ishte rival i madh i Messit./Insajderi.com
