Temperatura të larta prej 54.4 gradë celcius janë shënuar në Parkun Kombëtar “Death Valley” në California.
Shërbimi Kombëtar i motit në Shtetet e Bashkuara të Amerikës kanë verifikuar regjistrimin e kësaj temperature.
Siç raporton BBC, nëse ky regjistrim është i saktë, do të jetë gjithashtu midis tre temperaturave më të larta që janë matur ndonjëherë në Luginën e Vdekjes (një luginë shkretëtirë në Kaliforninë Lindore) si dhe temperatura më e lartë ndonjëherë gjatë muajit gusht.
”Temperatura në Luginën e Vdekjes arriti në 54,4 gradë Celsius, në orën 15:41”, deklaroi Shërbimi Kombëtar i Motit në Twitter.
Para kësaj, temperatura më e nxehtë e regjistruar në mënyrë të besueshme në tokë ishte 54 gradë – gjithashtu në Luginën e Vdekjes në 2013.
Sipas një analize të vitit 2016 nga historiani i motit, Christopher Burt, temperaturat e tjera në rajon të regjistruara në 1913 nuk vërtetojnë leximin e Luginës së Vdekjes.
Një temperaturë tjetër rekord për planetin – 131F, ose 55C – u regjistrua në Tunizi në vitin 1931, por Burt tha që ky lexim, si dhe të tjerët të regjistruar në Afrikë gjatë epokës koloniale, kishin “çështje serioze të besueshmërisë”. /Insajderi.com
