Merkato e NBA-it nisi menjëherë me rekord. Steph Curry bëhet basketbollisti më i paguar në histori, pasi rinovoi kontratën me Golden State Ëarriors.
Ylli i skuadrës kampione firmosi marrëveshjen e re 5-vjeçare, nga e cila përfiton shifrën e jashtëzakonshme të 201 milionë dollarëve. Shifra thyen rekordin e vendosur nga Mike Conley gjatë verës së kaluar.
Nga 153 milionë dollarë të garantuara, Curry kaloi kuotën e 200 milionëve, jo sepse dikush dyshonte te kualiteti i basketbollistit, por më në fund ai hoqi epitetin e sportistit të brishtë, pas dëmtimeve të shumta në karrierë.
Te Golden State po përgatiten të zyrtarizojnë edhe rinovimin e Kevin Durant, por në kontratën e re, basketbollisti 28-vjeçar do të pranojë një ulje të vogël të pagesës te kalifornianët.
Një tjetër rinovim i rëndësishëm në basketbollin amerikan ishte edhe ai i Blake Griffin me Los Angeles Clippers. Kontrata e re 5-vjeçare do ti garantojë lojtarit 173 milionë dollarë.
Për sa i takon transferimeve, Oklahoma City realizoi atë që mund të jetë goditja më e madhe e merkatos, duke marrë nga Pacers, Paul George, një lojtar që kërkohej nga skuadrat më të rëndësishme të NBA-it.
George është një fenomen, që do të luajë përkrah yllit të skuadrës, Westbrook: një lëvizje nëpërmjet të cilës Thunder synojnë të bindin Lojtarin më të Mirë të Vitit 2017 që të rinovojë kontratën.(supersport)
