fbpx

Roma nuk heq dorë nga Hysaj, ja sa milionë po kërkon Napoli

Roma nuk heq dorë nga Hysaj, ja sa milionë po kërkon Napoli

Transferimi te Roma mbetet hipoteza më e mundshme për të ardhmen e Elseid Hysajt. Mbrojtësi i kombëtares shqiptare nuk bën më pjesë në planet e trajnerit të Napolit, Carlo Ancelotti dhe aktualisht është në merkato.

Megjithatë ky operacion i afatit kalimtar nuk është aspak i lehtë për t’u realizuar sepse Napoli për kartonin e Hysajt kërkon 20 milionë euro.

Një shifër kjo disi më e lartë nga ajo që Chelsea kërkon për Davide Zappacostan, alternativën tjetër për krahun e djathtë të mbrojtjes së Romës.

Mbetet për t’u parë se çfarë do të ndodhë me Elseid Hysajn por për momentin e ardhmja e tij është në dilemë të madhe.