Ronaldinho Gauço është duke kaluar një moment të vështirë në jetën e tij, teksa mediat në Amerikën Latine, shkruajnë se është ndarë nga jeta nëna e brazilianit, njofton Insajderi.
Dona Migelina ishte infektuar me Coronavirus në dhjetor të vitit të kaluar, teksa tashmë thuhet se ky virus i ka marrë jetën, pavarësisht përpjekjeve të mëdha të mjekëve.
71 vjeçarja ishte e shtruar në spital prej dy muajsh, por nuk ia ka dalë dot të fitojë betejën me virusin, i cili mbrëmjen e djeshme i mori jetën.
Dhimbje e madhe kjo për Ronaldinho-n, i cili në shumë intervista kishte deklaruar se nëna e tij ishte pika e dobët për të. /Insajderi.com
⚽️ Dona Miguelina, mãe de Ronaldinho Gaúcho, morre de covid-19 | https://t.co/dfTFEFBSjs | #Itatiaia pic.twitter.com/cp990xrhtl
— Rádio Itatiaia (@radioitatiaia) February 20, 2021
