Disa orë më para gazeta italiane “Calcio Per Sempre” publikoi disa pamje ku shikohet se si Cristiano Ronaldo po lëvizte veturat nga garazhi i tij në Torino nën firmën e një kompanie me seli në Lisbonë të Portugalisë, njofton Insajderi.
Menjëherë filluan aludimet për të ardhmen e portugezit, por gjithçka e ka hedhur poshtë fqinji i Ronaldos, Luciano Sarolia, i cili shprehet se këtë lëvizje 36 vjeçari e bën çdo vit kur ikën me pushime.
“Nuk ka gjasa që ata të lëvizin makinat në një vend tjetër në Torino. Kjo është java e fundit e sezonit dhe po lëviz veturat për pushime. Ronaldo është një fqinj mesatar, nuk bën festa apo gjëra të tilla”.
Gjithashtu dhe “Gazzetta.it” raportoi se Ronaldo i lëviz makinat e tij në sezonin e pushimeve të verës dhe nuk ka vend për aludime. /Insajderi.com
