Më shumë se 100 persona kanë vdekur nga rrëshqitjet e dheut dhe përmbytjet në qytetin brazilian të Petrópolis, thonë zyrtarët.
Qyteti, i cili ndodhet në malet në veri të Rio de Zhaneiros, u godit nga reshje të rrëmbyeshme, shkruan BBC, transmeton Insajderi.com.
Shtëpitë në lagjet e kodrës u shkatërruan dhe makinat u rrënuan, ndërsa ujërat e përmbytjeve vrapuan nëpër rrugët e qytetit.
Videot e shpërndara në mediat sociale treguan dëme të mëdha dhe automjete që notonin në rrugë.
“Situata është pothuajse si lufta… Makina të varura nga shtyllat, makina të përmbysura, shumë baltë dhe ujë ende,” u tha gazetarëve guvernatori i Rio de Zhaneiros, Cláudio Castro.
Me më shumë se 30 persona të raportuar të zhdukur, ai tha se përpjekjet e kërkim-shpëtimit do të vazhdojnë pa pushim./Insajderi.com
