Fillimi i gjykimit të presidentit të Shteteve të Bashkuara, Donald Trump, në Senatin amerikan, më 21 janar, tërhoqi rreth 11 milionë shikues televizivë në Shtetet e Bashkuara.
![Rreth 11 milionë njerëz shikuan ditën e parë të gjykimit të Trumpit](https://insajderi.com/wp-content/uploads/2020/01/928D80E9-2196-4115-82A1-EA80C1A354EC_w1023_r1_s-730x440.jpg)
Shifra u bë publike nga Shërbimi i Vlerësimeve Nielsen.
Vlerësimet u bazuan në shikueshmërinë për katër orë e gjysmë në gjashtë rrjete televizive që e transmetuan drejtpërdrejt ditën e parë të gjykimit: ABC, CBS, NBC, MSNBC, CNN dhe Fox News.
Nielsen po ashtu njoftoi se dita e parë e hetimit të Trumpit në Dhomën e Përfaqësuesve, në muajin nëntor, është ndjekur nga rreth 13.8 milionë shikues.
Trump është presidenti i tretë në historinë e Shteteve të Bashkuara që përballet me procedura të shkarkimit.
I pari ka qenë Andrew Johnson më 1868 dhe pas tij Bill Clinton më 1998, por të dy ata janë liruar.
Trump, republikan, është akuzuar nga Dhoma e Përfaqësuesve, e udhëhequr nga demokratët, për abuzim të pushtetit dhe pengim të punës së Kongresit./rel.