Departamenti i Shtetit i SHBA-ve e ka quajtur si një “përshkallëzim të paprovokuar” të raportuar planet ruse për të bllokuar pjesë të Detit të Zi, i cili në fund të fundit mund të ndikojë në hyrjen në portet e Ukrainës mes tensioneve të shtuara mbi manovrat ushtarake të Moskës, transmeton Insajderi.
SHBA dhe aleatët e saj evropianë kanë shprehur shqetësime në lidhje me ndërtimin ushtarak të Rusisë në javët e fundit dhe kanë frikë se Moska mund të planifikojë të pushtojë Ukrainën. Rusia, e cila mbështet separatistët në Ukrainën lindore, aneksoi Krimenë në vitin 2014, raporton Al Jazeera.
Media shtetërore ruse ka raportuar se Moska synon të mbyllë pjesë të Detit të Zi për anijet e huaja ushtarake dhe zyrtare për gjashtë muaj, gjë që mund të ndikojë në hyrjen në portet ukrainase në Detin Azov, i cili është i lidhur me Detin e Zi përmes ngushticës Kerch.
Të martën, më shumë se 20 anije luftarake ruse morën pjesë në stërvitje ushtarake në Detin e Zi, njoftoi agjencia e lajmeve Interfax, duke cituar një deklaratë nga flota e Detit të Zi të Rusisë.
Rusia ka kufizuar përkohësisht lëvizjen e anijeve të huaja luftarake dhe atyre që ajo i quajti “anije të tjera shtetërore” pranë Krimesë.
“Kjo përfaqëson edhe një përshkallëzim tjetër të paprovokuar në fushatën e vazhdueshme të Moskës për të minuar dhe destabilizuar Ukrainën”, tha zëdhënësi i Departamentit të Shtetit, Ned Price, në një deklaratë.
“Ky zhvillim është veçanërisht shqetësues mes raporteve të besueshme të grumbullimit të trupave ruse në Krime të okupuar dhe rreth kufijve të Ukrainës, tani në nivele që nuk janë parë që nga pushtimi i Rusisë në 2014”, shtoi Price. /Insajderi.com
