Rusia ka thënë se është e gatshme të ndërpresë lidhjet me Bashkimin Evropian, nëse blloku ndjek me një kërcënim për të vendosur sanksione ndëshkuese ndaj Moskës, ndërsa përshkallëzohet grindja për kritikun e Kremlinit Alexey Navalny, transmeton Insajderi.
Të premten, Ministri i Jashtëm rus, Sergej Lavrov, tha në një paraqitje televizive se Rusia është e gatshme të hakmerret nëse BE merr masa ndëshkuese, raporton Al Jazeera.
“Nëse shohim përsëri, siç e kemi ndjerë më shumë se një herë, që sanksionet e vendosura në disa zona krijojnë rreziqe për ekonominë tonë, duke përfshirë edhe në sferat më të ndjeshme, atëherë po”, tha Lavrov.
“Ne nuk duam të jemi të izoluar nga jeta ndërkombëtare, por duhet të jemi të gatshëm për këtë. Nëse doni paqe, duhet të përgatiteni për luftë”.
Fuqitë perëndimore, së bashku me mijëra protestues rusë, kanë bërë thirrje për lirimin e Navalny nga burgu. Ai u burgos pasi u kthye në Moskë muajin e kaluar, pasi kishte fluturuar nga Berlini ku u trajtua pas një sulmi të pretenduar helmimi që ai fajëson zyrtarët rusë.
Ai u burgos pasi kishte shkelur kushtet e një dënimi me kusht në lidhje me një çështje në 2014, të cilën ai ka pretenduar se ishte i motivuar politikisht. /Insajderi.com
