Paralajmërimet shëndetësore në kutitë e cigareve në Bashkimin Evropian vijnë nga një bibliotekë e fotografive të Komisionit Evropian
Një i ve në Itali ka pohuar se ai ka parë gruan e tij të ndjerë në një paralajmërim shëndetësor për paketën e cigareve, sipas raporteve kombëtare të medias.
Avokati i tij tha në një intervistë me gazetën italiane, “La Repubblica”, se burri kërkonte 100 milionë euro kompensim.
Paralajmërimet shëndetësore në kutitë e cigareve në Bashkimin Evropian vijnë nga një bibliotekë e fotografive të Komisionit Evropian. Të gjitha fotografitë janë të aksesueshme publikisht dhe identike për të gjitha markat e cigareve, transmeton Scan.
Një direktivë e Komisionit Evropian të vitit 2014 thotë se çdo pako e njësisë dhe paketimi i jashtëm i produkteve të duhanit duhet të “mbajnë paralajmërime të kombinuara shëndetësore” duke përfshirë tekstin dhe një fotografi përkatëse, përcjell albinfo.ch.
Fotot kanë ardhur nga “kontraktorët e jashtëm”, të cilët kishin një buxhet prej 600,000 € dhe fotografuan 8,000 njerëz në 10 vende të ndryshme të BE.
Pothuajse në gjithë Evropën ka raste të përdorimit të fotove pa leje kryesisht në Britani, Francë dhe Gjermani.
Një shqiptar 60 vjeç në lindje të Francës tha se është habitur kur ka zbuluar se fotografia e këmbës së tij të amputuar është përdorur në pako cigaresh pa pëlqimin e tij.
Fotografia është nxjerrë në paketat e cigareve brenda Bashkimit Evropian, së bashku me mesazhin: “Pirja e duhanit i bllokon arteriet”.
Por, burri shqiptar, i cili jeton në Metz, tha se ka humbur këmbën e tij si pasojë e një sulmi në Shqipëri në vitin 1997.
Fotografia është zbuluar nga djali i tij, kur ai ka blerë një pako cigaresh vitin e kaluar në Luksemburg, raportojnë mediat franceze.
Ende nuk ka informacion nëse veprimet ligjore që pretendojnë se fotot janë marrë pa leje, kanë çuar në kompensim.
Ditë më parë një shqiptar njoftoi se e ka parë këmbën e tij në Luksemburg dhe ka paralajmëruar padi ndaj kompanisë përkatëse.
