San Antonio Spurs mposhti Chicago Bulls me rezultatin 120:104 të shtunën vonë, duke i dhënë trajnerit legjendar Gregg Popovich fitoren e 1.300-të në karrierën e tij, njofton Insajderi.
Në përpjekjen e saj për të mbijetuar në betejën e fuqishme të playoff-it të Konferencës Perëndimore, Spurs filloi ndeshjen me një paraqitje solide duke marrë epërsinë që nga fillimi. Pas çerekut të parë 33:20, Spurs rriti epërsinë me performancën e saj në çerekun e dytë, 32:19.
Epërsia me 26 pikë në pjesën e parë ishte e mjaftueshme për të mposhtur Bulls, ekipin i cili sapo mori lojtarin All-Star Nikola Vucevic përmes një shkëmbimi.
Vucevic shënoi 21 pikë në ndeshjen e tij të parë në radhët e Bulls, ndërsa lojtari tjetër All-Star, Zach LaVine, shënoi 18 pikë.
Për ekipin fitues, Jacob Poeltl shënoi 20 pikë, DeMar DeRozan 17 pikë, kurse Derrick White shënoi 16.
Fitorja gjithashtu kishte një kuptim të veçantë për kryetrajnerin Gregg Popovich. Ai regjistroi fitoren e tij të 1300-të si trajner kryesor, rezultati i tretë më i mirë në historinë e NBA-së. Lenny Wilkens (1.332) dhe Don Nelson (1.335) arritën të regjistrojnë mbi 1.300 fitore në karrierën e tyre si kryetrajnerë.
Rezultatet e së shtunës:
Minnesota Timberwolves-Houston Rockets 107:129
Milwaukee Bucks-New York Knicks 96:102
Washington Wizards-Detroit Pistons 106:92
San Antonio Spurs-Chicago Bulls 120:104
New Orleans Pelicans-Dallas Mavericks 112:103
Oklahoma City Thunder-Boston Celtics 94:111
Utah Jazz-Memphis Grizzlies 126:110
Los Angeles Clippers-Philadelphia 76ers 122:112
Sacramento Kings-Cleveland Cavaliers 100:98
Rezultatet e së premtes
Detroit Pistons-Brooklyn Nets 111:113
Milwaukee Bucks-Boston Celtics 114:122
Toronto Raptors-Phoenix Suns 100:104
New Orleans Pelicans-Denver Nuggets 108:113
Minnesota Timberwolves-Houston Rockets 107:101
Orlando Magic-Portland Trail Blazers 105:112
Charlotte Hornets-Miami Heat 110:105
Dallas Mavericks-Indiana Pacers 94:109
Utah Jazz-Memphis Grizzlies 117:114
Golden State Warriors-Atlanta Hawks 108:124
Los Angeles Lakers-Cleveland Cavaliers 100:86
/Insajderi.com
