Kingsley Coman mund të largohet këtë afat kalimtar nga Bayern Munich.
Përkundër se shënoi golin e fitores në finalen e Ligës së Kampionëve ndaj Paris Saint Germain, Coman nuk shihet si futbollist startues tek kampioni gjerman.
Trajneri Hansi Flick në pozitat e sulmuesve anësorë i ka besuar dyshes Gnabry – Sane, ndërsa Coman shihet vetëm si alternativë e tyre.
Francezi po mendon largimin nga Bayerni për një skuadër ku do të ishte titullar i rregullt dhe i rëndësishëm për ta.
Ish-skuadra e tij Paris Saint Germain menjëherë ka filluar bisedimet me agjentin e Coman pasi dëshiron ta rikthejë atë në Parc de Princes.
Interesim për anësorin francez kanë shprehur edhe dy skuadrat angleze Manchester United dhe Arsenal.
Edhe pse duket e vështirë që Bayern ta lejoj largimin e tij, një ofertë mbi 50 milionë eurove mund të bëjë kampionin e Evropës të ndryshojë mendje dhe ta pranojë largimin e francezit./Insajderi.com
