Deri në 21 milionë ton plastikë janë gjetur në ujërat e oqeanit Atlantik. Studimi i cili u udhëhoq nga UK Nacional Oceanography Centre, analizoi shtresat e oqeanit deri në 200 metra, në ekspeditën e organizuar në mes të oqeanit.
Një sasi e tillë e plastikës, 21 milion ton, do të mbushte rreth 1000 kontinierë, raporton BBC, shkruan Insajderi.
Katsia Pabortsave nga Nacional Oceanography Centre, e cila e udhëhoqi studimin tha se kjo sasi e gjetur në oqean është edhe më e madhe se sa duket, sepse ata nuk mund të masnin pjesët e vogla të plastikave.
Në ekspeditën e tyre, që nga UK deri në Ishujt Falkland, ajo dhe kolegët e saj vërejtën deri në 7000 copëza plastike për metra kubik.
Ata i analizuan mostrat dhe erdhën në përfundim që lloji më i gjetur ishte polymers – polyethylene, polypropylene dhe polystyrene, të gjitha këto lloje të plastikave që përdoren kryesisht për paketime.
Këto gjetje shpresohet të ndihmojnë tendencat e ardhshme për të matur dëmin ekologjik dhe ambiental që mund të shkaktohet nga këto fragmente plastike./Insajderi.com
