Gjermania dhe Shtetet e Bashkuara kanë njoftuar për një marrëveshje për të lejuar përfundimin e një tubacioni të diskutueshëm rus të gazit në Evropë pa imponimin e sanksioneve të mëtejshme të SHBA-së.
Marrëveshja për Nord Stream 2, e njoftuar të mërkurën, thotë se Gjermania dhe SHBA. angazhohen të kundërshtojnë çdo përpjekje të ardhshme ruse për të përdorur tubacionin si një mjet politik.
Të dy shtetet gjithashtu ranë dakord të mbështesin Ukrainën dhe Poloninë, të cilat e interpretojnë projektin si një kërcënim të sigurisë, duke financuar energji alternative dhe projekte zhvillimi.
Në një deklaratë të përbashkët, të dy qeveritë thanë se ishin “të bashkuar në vendosmërinë e tyre për ta mbajtur Rusinë përgjegjëse për agresionin dhe aktivitetet malinje duke vendosur kosto përmes sanksioneve dhe mjeteve të tjera” – duke iu referuar kryesisht mbështetjes ruse për separatistët në Ukrainë.
Ekzistojnë shqetësime që prej një kohe të gjatë se Nord Stream 2 mund t’i japë Rusisë shumë fuqi mbi furnizimet e gazit evropian ose të lejojë që gazi të mbyllet për kundërshtarët e Rusisë. /Insajderi.com
