Rusia po planifikon të sajojë një pretekst për një pushtim të Ukrainës, duke fajësuar në mënyrë të rreme ushtrinë ukrainase për një sulm ndaj separatistëve të mbështetur nga Rusia ose vetë Rusisë, thonë zyrtarët amerikanë.
Një opsion që Rusia thuhet se po shqyrton është të organizojë dhe filmojë një sulm të rremë, me imazhe grafike të një shpërthimi që tregojnë viktima të shumta.
SHBA dhe NATO janë të shqetësuara për grumbullimin e forcave ruse pranë Ukrainës, shkruan BBC, transmeton Shqip.com.
Ata aktualisht numërojnë rreth 100,000.
Tensionet vijnë tetë vjet pasi Rusia aneksoi gadishullin jugor të Krimesë të Ukrainës dhe mbështeti një rebelim të përgjakshëm në rajonin lindor të Donbasit.
Zyrtarë të lartë të administratës amerikane thanë se operacioni i supozuar, i planifikuar nga shërbimet ruse të sigurisë, do të shfaqte imazhe të viktimave civile në Donbas, në Ukrainën Lindore, me qëllim që të ngjallte zemërim kundër autoriteteve ukrainase./Insajderi.com
