Futbollisti shqiptar, Arton Zekaj pritet shumë shpejt të vesh fanellën e Kombëtares së Kosovës në futboll.
Zekaj i lindur në vitin 2000 në kryeqytetin serb, Beograd, karrierën e tij si futbollist e ka filluar me gjigantin e futbollit serb, FK Partizan.
Federata e Futbollit të Kosovës tashmë ka nis procedurat e dokumenteve që ia mundësojnë Zekës të lë kombëtaren serbe. Ky proces pritet të zvarritet nga ana e Federatës së Futbollit të Serbisë për shkak të raporteve të dy shteteve, raporton Insporti.com.
Zekaj ka përfaqësuar Serbinë në grupmoshat U-15, U-16 dhe U-17, por nuk ka marrë asnjë ftesë nga kombëtarja A serbe. Madje, ai ishte kapiten në grupmoshat U-17.
19 vjeçari luan në pozitën e mesfushorit defanziv dhe konsiderohet si një nga talentet më të mirë të gjeneratës së tij.
Talentin e tij e ka vërejtur skuadra franceze Lille, e cila e ka transferuar dhe për momentin ai është duke u aktivizuar në skuadrën e dytë. /Insporti.com/
