Disa ditë më parë një qen në Kansas bëri më shumë se 80 kilometra dhe u kthye në shtëpinë e vjetër të familjes së saj në Misuri, shtyu studiuesit të publikonin rezultatet e një studimi në lidhje me shkencën që qëndron pas aftësisë së një qeni për të gjetur gjithmonë rrugën e tij në shtëpi.
Gjatë një periudhe tre vjeçare, shkencëtarët nga Universiteti Çek i Shkencave të Jetës dhe Virginia Tech gjurmuan aftësitë e navigimit të 27 qenve gjuetarë që përfaqësojnë 10 raca, njofton Insajderi.
Qentë ishin pajisur me një kollare me GPS dhe një aparat të vogël dhe lejoheshin të bredhin lirshëm në zona me pyje. Pas një kohe të shkurtër, qentë u thirrën përsëri nga pronarët e tyre (të cilët ata nuk mund t’i shihnin) dhe duhej t’ia dilnin t’i gjenin të zotë e tyre. Në total qentë përfunduan 600 vrapime.
Ajo që ata gjetën është se të gjithë qentë filluan udhëtimet e tyre të kthimit tek pronarët e tyre me një “drejtimin e busullës” për t’u rreshtuar në boshtin magnetik veri-jug të tokës. Studiuesit besuan se kjo tregon që qentë përdorin aftësinë e tyre për të zbuluar fusha magnetike për t’u drejtuar në mjedisin e tyre.
Pasi qentë përfunduan drejtimin e busullës, ata u mbështetën në njërën nga dy mënyrat për të gjetur rrugën e kthimit te pronarët e tyre. Rreth 59% ja dolën përmes aromës (një metodë që studiuesit e quajnë “gjurmim”) ndërsa 39% mbështeteshin në shenjat e informacionit ose në informacionin vizual për të krijuar një rrugë të re (një metodë e quajtur “zbulim”). Vetëm 8% përdorën një përzierje të këtyre metodave.
“Gjetjet tona tregojnë qartë rëndësinë e hulumtimit të mëtutjeshëm mbi rolin dhe përfshirjen e shenjave magnetike në navigimin e qenit,” propozojnë studiuesit. “Hulumtimi sugjeron që fusha magnetike mund t’u sigurojë qenve një kornizë referimi ‘universale’, e cila është thelbësore për navigimin në distanca të gjata dhe me siguri përbërësi më i rëndësishëm që është ‘i zhdukur’ nga të kuptuarit tonë aktual të sjelljes dhe njohjes së qenve”.
Lënë shkencën anash, të zotët janë të lumtur që këlyshët e tyre të dashur do të gjejnë gjithmonë rrugën e tyre për në shtëpi. /Insajderi.com
Burimi: Southern Living
