Një grup hajdutësh vendosën një pritë në autostradën afër Milanos, për një veturë e cila ishe duke bartur disa milionë euro, por shoferi arriti të depërtojë bllokadën vendosur nga grabitësit.
Rasti ndodhi në autostradën A1, e cila lidhë Milanon dhe Napolin, rreth 20 kilometra nga Milano vonë të martën, njofton sot agjencia e lajmeve ANSA.
Një automjet i blinduar u përplas me dy kamionë të vendosur nga hajdutët për të bllokuar rrugën, por shoferi arriti të depërtonte dhe të ndalet në një pikë karburanti aty pranë, ku gjeti një automjet patrullimi policie.
Autostrada ishte e mbyllur për disa orë, në mënyrë që autoritetet të mund të pastrojnë rrugën. Trafiku normal rifilloi rreth orës 9 të mëngjesit.
Ndërmarrja e automjeteve të blinduara Battistolli tha se askush nuk është lënduar, raporton ANSA.
Një sulm i ngjashëm, por edhe i pasuksesshëm, ndodhi në të njëjtën autostradë në vitin 2014.
