Policia gjermane me forcë shpërndau protestën kundër bllokimit të shtetit pranë Parlamentit, pasi mijëra protestues kundërshtuan urdhrat e policisë për t’u shpërndarë, transmeton Insajderi.
Pothuajse 5.000 protestues, përfshirë ekstremistët e krahut të djathtë dhe aktivistët anti-vaksinues u mblodhën jashtë Portës së Brandenburgut, teksa ligjvënësit po diskutonin një legjislacion të ri për kufizime më të rrepta të koronavirusit (COVID-19), raporton Anadolu Agency (AA).
Teksa protestuesit refuzuan të mbanin maska dhe të mbanin distancë të sigurtë, policia u tha udhëheqësve të protestës që t’i jepnin fund protestës në mënyrë paqësore dhe më vonë përdorën spërkatës dhe topa uji për të shpërndarë demonstruesit.
Disa protestues u vunë në pranga dhe u arrestuan pasi nuk pranuan të largoheshin nga zona. /Insajderi.com