Amerika, por edhe bota u trondit me masakrën në Las Vegas, ku një person mbyti dhjetëra qytetarë të pafajshëm dhe plagosi qindra të tjerë. Kohët e fundit ka pasur shumë debate, se kush mund të ketë armë dhe rreziqet e përfshira, shkruan “swissinfo.ch”.
Por, cilat janë vendet që kanë më së shumti armë në duar të qytetarëve. Sipas statistikave në vendin e parë në botë është Amerika me 101.5 armë në 100 persona, derisa në vendin e dytë ndodhet Gjermania me 32 armë, Austria e treta me 30.4, Zvicra e katërta me 24.45, pasohet nga Franca, Australia, Italia, Spanja, Kina, Britania dhe Japonia, përcjell albinfo.ch.
Statistikat tregojnë se Zvicra ndodhet në vendet me më së shumti armë vdekjeprurëse në Evropë, megjithatë, ka pasur pak incidente me armë zjarri. Statistikat më të fundit tregojnë një normë vetëvrasje me armë prej 2.74 për 100,000 njerëz, paksa më e ulët se norma e vdekjeve prej 3.01.
Por, në cilat vende vdesin më së shumti njerëzit nga armët? Edhe në statistikat e vdekjeve nga armët për 100 mijë njerëz kryeson Amerika.
Amerika është e para me 10.54 vdekje, duke u pasur nga Zvicra me 3.01, pastaj Austria e treta me 2.9, kurse më pas janë Franca, Italia, Gjermania, Austria, Spanja dhe Britania.
