Presidenti i FC Prishtinës, Remzi Ejupi është rrëfyer në një intervistë ku ka folur edhe për ish-trajnerin Mirel Josa.
Ejupi për Sportin në KTV në mes të tjerash ka folur për gjendjen në klub, ‘Plisat’, trajnerin e ri Armend Dallku dhe situatën me trajnerin e larguar Mirel Josa.
Fillimisht, presidenti Ejupi ka folur për situatën me trajnerin shqiptar të larguar Mirel Josa.
“Nuk kemi bërë rezultate të këqija me trajnerin Mirel Josën”, tha fillimisht Remzi Ejupi.
“Ai nuk është tip i parave, kemi besuar shumë në të. Kemi parë interes që ai të qëndrojë me ne më gjatë”, vlerësoi Remzi Ejupi.
“Sa i përket anës financiare, nuk besoj se Josa do të na bëjë problem. Ai është tip që kupton”, shtoi ai.
