Sir David Attenborough ka treguar që ka kaluar shumë kohë gjatë karantinës i ulur në kopshtin e tij duke dëgjuar zogjtë.
I shtrënguar të ndalojë udhëtimet e tij, natyralisti i famshëm tha se karantina i ofroi “një vision lidhur me atë që ofron jeta nese ke kohë të ulesh dhe të vështrosh”.
Ai si duket e ka përdorur këtë kohë për tu bashkuar në Instagram, ku theu rekordin botëror për arritjen e miliona ndjekësve në kohë të shkurtër.
“Ky mesazh më ka brengosur aq shumë, prandaj unë do të përdorja secilin medium për ta shprëndarë këtë mesazh”, ka thënë ai për BBC Breakfast.
Duke folur për librin e tij dhe dokumentarin e lansuar në Netflix, të cilët titullohen njejtë “A Life On Our Planet”, Attenborough tha se karantina ka qenë një përvojë e këndshme për të.
“Shumica e njerëzve janë duke kaluar më mirë se unë”, tha ai. “Unë jam me fat. Kam një kopsht, një shtëpi… vajza ime dhe unë jemi duke mbijetuar shumë mirë”.
“Unë kam kaluar më shumë kohë në kopshtin tim duke dëgjuar zogjtë, më shumë se zakonisht. Shumë njerëz janë të befasuar sepse kanë kuptuar kënaqësinë që sjell vëzhgimi i natyrës”./Insajderi.com
