Të enjte, 19 Tetor, ora 21:05, Ujqërit presin në stadiumin ‘Elbasan Arena’, Partizanin e Beogradit. Takim i vlefshëm për fazën e grupeve të UEFA Europa League.
Ujqërit në kërkim të fitores për të mbajtur hapur shanset për të kaluar më tej. Ju bëjmë thirrje tifozëve për mbështetje maksimale në këtë takim mjaft delikat. Bashkë më të fortë, të bashkuar për të vijuar ëndrrën evropiane.
Çmimet e biletave për këtë ndeshje do të jenë si më poshtë:
Tribuna G dhe C – 500 Lekë
Tribuna E, D dhe F – 700 Lekë
Tribuna A1, A2, A3, A4 – 2000 Lekë
Tribuna B1, B2, B4, B5 – 2000 Lekë
Tribuna B3 – 3000 Lekë
Tribuna VIP – 6000 Lekë
PIKAT E SHITJES – Biletat po shiten prej ditës së mërkurë, 4 tetor, tek pika e shitjes përballë me kinemanë e qytetit në Korçë. Ndërsa në Tiranë ka nisur shitja ditën e mërkurë, 11 tetor tek stadiumi ‘Selman Stermasi’. Në ditët në vijim do ju njoftojmë dhe për pikën e shitjes dhe oraret në qytetin e Elbasanit.
TRANSFERTA – Për këtë transfertë klubi ka vendosur sërish transport falas për tifozët që dëshirojnë të ndjekin ekipin në ‘Elbasan Arena’. Detajet e udhëtimit do publikohen në vijim.
ORGANIZIMI – Biletat për takimin e radhës për shkak të rëndësisë së veçantë që mbart takimi do të jenë të personalizuara dhe hyrja në stadium do të bëhet ne kartë identiteti. Tribunat D, E dhe F do të shiten vetëm në qytetin e Korçës. Klubi prej javësh në bashkëpunim me UEFA, policinë e shtetit dhe Security janë duke marrë masat e nevojshme për mbarëvajtjen e këtij takimi. Lutemi të gjithë tifozëve që ky takim të mbetet brenda ‘kornizave’ të futbollit për të mos dëmtuar për ndeshjet në vazhdim klubin.
Qëllimi ynë si klub por besojmë edhe për tifozët e zjarrtë bardhekuq është fitorja dhe kalimi i grupeve. #bashkëiadalim
