Trajneri i Manchester United, Ole Gunnar Solskjaer, pas ndeshjes së humbur ndaj Sevilla në gjysmëfinale të Europa Ligë, ka folur për nevojën që ekipi i tij, të përforcohet në këtë verë.
“Duhet të reagojmë dhe të përmirësohemi, nëse dëshirojmë suksese dhe tituj”, tha trajneri norvegjez, transmeton Insajderi.
“Nuk mund të ju them se kur, cilin dhe gjëra të tilla, por ne duhet të ulemi menjëherë dhe të bëjmë planet, sepse kemi vetëm dy javë kohë para se të fillojmë sezonin e ri dhe nuk kemi shumë kohë.”, shtoi Solskjaer.
Ai refuzoi të flasë për Jadon Sancho, duke thënë se nuk mund të flasë për lojtarët e ekipeve të tjera.
Gjatë ndeshjes ndaj Sevilla, kamera kishte zënë momente rreth minutës së 80′, kur Solskjaer ishte kthyer nga banka rezervë e United dhe nuk po shihte ndonjë lojtar të cilin mund ta fuste në ndeshje dhe të ndryshonte rrjedhën e saj./Insajderi.com.
