Sekretari i Përgjithshëm i NATO-s Jens Stoltenberg paralajmëroi sot, me rastin e debatit për formimin e një “ushtrie europiane” se mbrojtja europiane nuk duhet të forcohet në kurriz të NATO-s.
“Jemi të kënaqur për shkak të shtimit të përpjekjeve të BE-së në fushën e mbrojtjes. Kjo është një gjë e mirë nëse aleatët europianë kanë kapacitet më të lartë, nëse bashkëpunojnë më mirë. Ajo që ne nuk jemi të kënaqur është se BE-ja fillon të krijojë një strukturë të dyfishtë “, tha Stoltenberg në Forumin NATO- Industria” në Berlin.
Ai vlerësoi se NATO dhe BE-ja kanë vërtet nevojë për një sistem të vetëm, të fuqishëm të kontrollit të ekspertëve të sistemit.
Ai përkujtoi se presidenti francez, Emmanuel Macron më 6 nëntor nisi debatin, duke sugjeruar se Europa duhet të ndërtojë ushtrinë e vet, e cila zemëroi presidentin e SHBA-së Donald Trump, i cili propozimin e Macron e vlerësoi “fyes”, në prag të mbërritjes në Francë për të shënuar fundin e Luftës së Parë Botërore.
Më pas, Macron u përpoq të qetësonte Trumpin me pretendimin se propozimi nuk ishte drejtuar kundër Uashingtonit.
