Kryeqyteti i Kinës dhe një pjesë e gjerë e veriut të vendit u mbështollën të hënën në stuhinë më të keqe në një dekadë, duke detyruar anulimin e qindra fluturimeve, shkruan Associated Press, transmeton Insajderi.
Rrokaqiejt në qendër të Pekinit u zhdukën mes pluhurit dhe rërës. Trafiku u mbyt dhe më shumë se 400 fluturime nga dy aeroportet kryesore të kryeqytetit u anuluan mes erërave të forta dhe dukshmërisë së ulët.
Qendra Kombëtare Meteorologjike tha se stuhia e së hënës ishte zhvilluar në Shkretëtirën Gobi në Rajonin e Mongolisë së Brendshme, ku shkollat ishin këshilluar të mbylleshin dhe shërbimi i autobusëve të shtohej për të zvogëluar ekspozimin e banorëve ndaj kushteve të vështira.
Stuhi të tilla ndodhin rregullisht në pranverë ndërsa rëra nga shkretëtirat perëndimore fryn drejt lindjes, duke prekur zonat deri në Japoninë veriore. /Insajderi.com
