Luis Suarez, ka bërë një debutim ëndrrash duke shënuar dy gola dhe duke bërë një asist tek ekipi i Atletico Madrid, pas transferimit të tij nga Barcelona.
Në ndeshjen e Atletico kundër Granada, Suarez u inkuadrua në minutën e 70’ dhe vetëm dy minuta më pas ai asistoi për Llorente, njofton Insajderi.
Në minutat 85’ dhe 90+3’, ai shënoi dy golat e tij.
“Për një lojtar, nganjëherë është e rëndësishme që të bëjë ndryshim. Kam ardhur te një klub që më ka dhënë mikpritje spektakolare. Mund ta ndjesh tek atmosfera, përshtypja e parë është shumë e mirë që nga fillimi dhe kjo është parë në fushë”, tha Suarez.
“Jam shumë i kënaqur me debutimin tim dhe akoma më i lumtur me tri pikët e fituara në ndeshjen hapëse në ligë. Sa herë që debuton dhe i ndihmon skuadrës me gola, do të jesh i lumtur, por do të shohim si do të shkojë në vijim, sepse sezoni është i gjatë”, ka përfunduar Suarez./Insajderi.com.
Luis Suarez scores his second goal on his debut. 2 goals 1 assist. #AtletiGranada
pic.twitter.com/sbncRl3yQZ— FTTV World (@FTTV10) September 27, 2020
