![Sulmohet një bazë amerikane në Afganistan me raketa](https://insajderi.com/wp-content/uploads/2020/12/afghan-boy-bagram-attack-reuters-191211_hpEmbed_20191211-060458_19x14_992-730x440.jpg)
Një sulm me raketa është kryer ndaj bazës ajrore Bagram e cila është baza më e madhe ajrore e Shtetet e Bashkuara të Amerikës në afërsi të kryeqytetit të Afganistanit, Kabul, transmeton Insjaderi.
Zëdhënësja për media e prefekturës Parwan, Wahida Shahkar në një deklaratë për media tha se pesë predha të raketave janë lëshuar nga në automjet në zonën Kalander Hil në Parwan.
“Nuk dihet ende nëse ka apo jo humbje të jetëve në sulm”, tha Shahkar e cila shtoi se në të njëjtën zonë janë konfiskuar edhe shtatë predha raketash të gatshme për t’u shkrepur.
Lidhur me çështjen nuk është bërë ndonjë deklaratë nga njësitë amerikane që kryejnë detyrën nën strukturën e NATO-s.
Ndërkohë askush nuk e ka marrë përgjegjësinë për sulmin.
Talebanët paralajmërim për “sulm” ndaj SHBA-së
Në një deklaratë nga talebanët është bërë e ditur se vazhdojnë sulmet ajrore të njësive amerikane ndaj civilëve në Afganistan.
“Vazhdimi i sulmeve ajrore nga SHBA-ja është në kundërshtim me marrëveshjen e paqes të nënshkruar më 29 shkurt mes talebanëve dhe SHBA-së”, thuhet në deklaratën në të cilën vihet theksi se ata mund të fillojnë sërish sulmet kundër ushtarëve amerikanë për sa kohë që vazhdojnë sulmet ajrore. /Insajderi.com