Nwankwo Simy i Crotones është sulmuesi më i mirë në Evropë për muajin mars me tetë gola të realizuar në pesë ndeshjet e fundit, njofton Insajderi.
Sulmuesi nigerian ka shënuar tetë nga 12 golat e Crotones nga 3 mars deri më 3 prill, por skuadra e sapo-promovuar e Serie A arriti të fitonte vetëm një ndeshje në atë kohë.
Simy tashmë ka shënuar 11 gola që nga fillimi i vitit 2021, njëjtë me sulmuesin e Atalantas, Luis Muriel. Vetëm Cristiano Ronaldo ka më shumë gola në Serie A që nga fillimi i vitit me 12.
Sulmuesi i Crotone gjithashtu u bë lojtari i tretë afrikan në historinë e Serie A për të gjetur rrjetën në pesë ndeshje me radhë pas George Weah në 1996 dhe Keita Balde në 2017.
Asnjë sulmues tjetër nuk ka shënuar më shumë gola sesa 28-vjeçari në muajin e fundit.
Lorenzo Insigne, Dusan Vlahovic, Erling Haaland, Leo Messi, Luis Muriel dhe Rafa Mir shënuan nga katër gola në kampionat gjatë marsit. /Insajderi.com
