De Biasi mund t’i thotë lamtumirë Kombëtares shqiptare pas përfundimit të Evropianit. Tekniku italian vazhdon të jetë mes kandidatëve të mundshëm për të marrë drejtimin Lazios në sezonin e ardhshëm, shkruan sot “Romatoday.it”
Edhe pse kandidati kryesor mbetet Sinisa Mihajlovic, drejtori sportiv i klubit italian, Igli Tare, po bën maksimumin që në drejtimin e skuadrës të emërohet De Biazi thuhet në artikullin e sotëm.
Tare ka pasur vazhdimisht fërkime me Mihajloviç gjatë periudhës kur ishin futbollistë dhe është i bindur se De Biasi do të ishte më i përshtatshëm për të ndërtuar një cikël të ri fitues te Lazio.
