Testet për Covid-19 që tregojnë rezultate në 15 deri në 30 minuta do të zhvillohen në të gjithë botën, duke shpëtuar potencialisht shumë mijëra jetë dhe duke ngadalësuar pandeminë në vendet e varfra dhe të pasura, shkruan The Guardian, transmeton Insajderi.
Në një iniciativë globale për të marrë ilaçe dhe vaksina vitale për të luftuar virusin, 120 milionë analiza të shpejta antigjeni nga dy kompani do të furnizohen në vendet me të ardhura të ulëta dhe të mesme për 5 dollarë secila ose edhe më pak.
Testet, të cilat duken si një test shtatzënie, me dy vija blu të shfaqura për pozitive, lexohen nga një punonjës shëndetësor. Një test ka marrë miratimin e urgjencës nga Organizata Botërore e Shëndetësisë (OBSH) dhe tjetra pritet ta marrë atë së shpejti.
Testet e shpejta dhe të lehta por me cilësi të lartë do të lejojnë kontrollimin masiv të punonjësve shëndetësorë, të cilët vdesin në numër jo proporcional në vendet me të ardhura të ulëta. /Insajderi.com
