Gjykata britanike vendosi që themeluesi i WikiLeaks-it, Julian Assange, të mos ekstradohet në Shtetet e Bashkuara të Amerikës, transmeton Insajderi.
Ky vendim u mor për shkak të shqetësimeve mbi shëndetin e tij mendor dhe rrezikut që ai mund të vetëvritet në një nga burgjet amerikane.
Assange do të përballej me 18 akuza për hakimin e kompjuterëve të qeverisë amerikane dhe shkelje të ligjit të spiunazhit nëse do të ekstradohej në SHBA, me një dënim të mundshëm me burg prej 175 vjetësh.
Ai u tërhoq nga godina e ambasadës së Ekuadorit në Londër në vitin 2019, ku u strehua për më shumë se shtatë vjet.
Policia britanike tha se ai u arrestua pasi nuk u paraqit në gjykatë në vitin 2012, si dhe në emër të SHBA-së për shkak të një urdhri ekstradimi.
Më pas, ai u shpall fajtor për thyerjen e kushteve të tij të lirimit me kusht në vitin 2012, pasi nuk iu dorëzua shërbimeve të sigurisë të caktuara nga Gjykata në Westminster dhe iu caktua një dënim me burg 50-javor./Insajderi.com
