Premtimi i TikTok për të ndërmarrë “veprim të menjëhershëm” kundër predatorëve të fëmijëve është sfiduar nga një hetim i BBC Panorama.
Aplikacioni thotë se ka një politikë “zero tolerancë ” kundër sjelljeve të tilla.
Por kur një llogari e krijuar për programin që identifikohej se i përkiste një vajze 14-vjeçare, raportoi një të rritur mashkull për dërgimin e mesazheve seksuale, TikTok nuk e bllokoi atë.
Dhe TikTok ndërmori një veprim të tillë vetëm pasi Panorama kërkoi një shpjegim.
Platforma pretendoi se moderatorët e saj nuk ndërhynë në shkallën e parë sepse llogaria e fëmijës nuk e kishte bërë të qartë se postimet fyese ishin marrë përmes strukturës së mesazheve direkte të TikTok.
“Ne kemi për detyrë të respektojmë privatësinë e përdoruesve tanë,” i tha BBC, duke shtuar se ankesat “zakonisht nuk shkaktojnë një rishikim” të DM.
Sidoqoftë, llogaria e Panorama kishte zgjedhur dhe paraqitur secilin nga shtatë mesazhet e bisedave të përfshira përmes mjetit të vetë raportimit të aplikacionit.
Ekspertët e sigurisë së fëmijëve thonë se prindërit duhet të jenë të vetëdijshëm për rreziqet që lidhen me lejimin e fëmijëve të tyre që të përdorin TikTok.
“TikTok është aplikacion argëtues dhe unë mendoj se sa herë që dikush po argëtohet nuk po i njeh rreziqet,” tha Lorin LaFave, themeluesi i Fondacionit Breck.
“Predatorët” mund të kërkojnë të takojnë një fëmijë, t’i shfrytëzojnë, t’i bëjnë të bëjnë diçka që mund të jetë e dëmshme për ta.”/Insajderi.com
BBC News
