Tom Brady dhe New England Patriots kanë shkruar historinë duke arritur në Super Bowl për vitin e tretë radhazi.
New England Patriots janë futur në histori me fitoren ndaj Kansas City Chiefs në kohën shtesë të dielën, transmeton Insporti.
Pesë herë fituesit e Super Bowlit kështu bëhen vetëm ekipi i tretë në historinë e NFL, që e arrin Super Bowlin në tre sezone rresht.
Këtë e kanë bërë vetëm Miami Dolphins (në vitet 1971 – 1974) dhe Buffalo Bills (1990-1993).
Tom Brady me Patriots tani do të përballen me Los Angeles Rams në Atlanta, në ndeshjen e Superbowlit që do të luhet më 3 shkurt.
Super Bowl është ndeshja finale e futbollit amerikan që përcakton kampionin e NFL (Los Angeles Rams është kampioni i National Football Conference, kurse Patriots janë kampionët e American Football Conference.
Vitin e kaluar, ishte Philadelphia Eagles që triumfoi në përballjen e Super Bowlit ndaj New England Patriots. /Insporti.com